Cenazeyê di endamê YJA-STARî Hacere û Alîye teslîmê keyeyan ame kerdiş

  • 15:16 24 Êlule 2022
  • NAROJANE
 
 
AMED - Cenazeyê Hacer Sucîn û Alîye Kiye hetê keyeyan ra ame girewtiş û ver bi Wan û Sêrtî rê kewtî rayîr.
 
20ê êlule de pêrodayîşê bejayîyê Koyê Gorese yê      qezaya Pîranê Amedî de 3 endamê YJA-STARî Hacer Sûcîn, Hatîce Ay û Aliye Kiye dinyaya xo bedelnayî. Cenazeyê înan Sazgehê Tipê Edlî ra amebi girewtiş.
 
Keyeyê Hatîce Aye bi amancê girewtişê cenazeye verê Edliyeyê Amedî dest bi çalakîya "Nobeta Edaletî" kerd û partîyê sîyasî û sazgehê sivîlî zî paştdayîş dayî çalakî. Dima ra Serdozgerîya Komare ya Amedî peyser game eşt û vizêr şan de cenazeyan teslîmê keyeyî kerd. Keyeyî cenazeya kêna xo nîmeyê şewe Sazgehê Tibê Edlî (ATK) ra teslîm girewt û berdî dewa Hewrî ya giredayeyê qezaya Pasûrî ya Amedî de bi girseyî defin kerd. 
 
No serê sibayî zî Keyeyê Hacer Sucîn û Aliye Kiye Wan û Sêrtî ra ameyî û ATKyî cenazeyê xo girewt. Îdarekarê Partiya Herêma Demokratîke (DBP) û Komeleya Kultur, Yewîye, Paştdayîşî û Hetkarîya Keyeyê ke Merdimê xo Dergûşê Şaristanî de Vînî Kerdê (MEBYA-DER), Komeleya Cigêrayîşê Kultur û Ziwanê Mezopotamya (MED DER) û Hewldayîşê 78ine ê Amedî verê keyeyan cayê xo girewt.
 
Keyeyê ke cenazeyê xo girewtî, ver bi Wan û Sêrtî rayîr ra şî.