MERKEZÊ XEBERAN - Qerarê qedexeyî yê semedê konserê NÇMyî yê serra 2021ine yê Edeneyî ame betalkerdiş. 

 

Merkezê Kulturî yê Mezopotamyaye (MÇM) waşt bi wesîleya 30ine serrgêra xo 24ê teşrîna verêne 2021î de Edene de konser organîze bikero. Labelê walîtijî nê konserî qedexe kerdibî. Komeleya Xebatê Medya û Huqûqê (MLSA) hemverê nê qerarî de dewa akerdebî. Dadgeha Îdareyî yê Herême ya Edeneyî bi sebebê “cewherê heqê werte ra wedarneno” nê qerarê qedexeyî yê walîtî betal kerd. 

 

'No qerar, huqûqî nîyo'

 

Qerar de wina ame vatiş: “Eke çalakîya konserî mebestê xo derbaz bikera û rewşêke tehluke veja werte zî girewtişê tedbîran û peynîkerdişê çalakî zî yê asayîşî yo. Labelê vera ke sebebê bisînorkerdişî yê Destûrê Bingehîn de û peymana Heqê Merdiman ê Ewropayî de ca gênê bibê, bi hawayêkê ke cewhera azadîyan werte ra wedarneno, qerarê qedexeyî ameyo dayîş. No qerar, huqûqî nîyo.