MERKEZÊ XEBERAN - Rêxistina Sara derheqê hêrişê dewleta tirkan ê vizêr serê Kobanê de eşkerayîyêke da û hêrîş şermezar kerd.

 

Rêxistina Sara ya têkoşînê hemverê şîdetê serê cinîyan, derheqê bombavaranê vizêrî ê teyareyêk bêmerdimî yê dewleta tirkan ke hemverê wesayîtêk kerdibî, rojhelatê Kobanê de eşkerayîyêke da. Hêriş de cinî û camêrdêk birîndar bîbî.

 

Eşkerayîya qezaya Ehdasî hetê endama Rêxistina Sara, Têkoşîn Mihemed ra ame wendiş. Eşkerayîye de hêrişê dewleta tirkan, ame şermezarkerdiş û ame dîyarkerdiş ke her tim serkêşê şorişî benê hedef ke kerdişê dewleta tirkan û çeteyê ci nêasê.

 

Eşkerayîye de ame dîyarkerdiş ke rêxistinê mîyanneteweyî hemverê nê hêrişan bêveng ê û bêvengîya înan hemkarîya înan bi dewleta tirkan mojneno. Peynîya eşkerayîye de venga rêxistinê merdiman ame kerdiş ke hemverê nê hêrişan de vinderê.