STENBOL - Rojnameger Esra Solîn Dal 26ê nîsane ra heta ewro qawîşa yew kesî de Zîndanê Cinîyan ê Bakirkoyî de yena tepiştiş. 

 

Çarçewaya cipersayîşê Stenbolî de, muxabîra Ajansê Mezopotamyaye (MA) Esra Solîn Dal sereştişê keyeyî yê 23yê nîsane de ameye destbendkerdiş û bi îdiayê “endamîya rêxistine” 26 nîsane de ameye tepiştiş. Esra Solîne qawîşa yew kesî ya Zîndanê Cinîyan ê Bakirkoyî de yena tepiştiş. Ame dîyarkerdiş ke waştişê Esra Solîna şîyayîşê verê cinîyanê bînan, hema zî nêameyo cewabkerdiş.

 

Avûkatanê Esra Solîne dîyar kerdî ke hemverê muwekîla înan de “muameleyêk taybet” est o û ardî ziwan ke ê do vera na rewşe bikewê hewldayîşê huqûqî.