Rojnamegere Zehra Dogane bereat kerd
- 14:40 9 Gulane 2024
- NAROJANE
MÊRDÎN - Dimayê ke Dadgeha Berzî 2 serrî û 9 aşmî cezaya zîndanî yê rojnamegere Zehra Dogane betal kerd, roniştişê dewa de qerarê beraetî ame dayîş.
Rojnamegere Zehra Dogane dimayê ke Nisêbînê Mêrdînî de ameye destbendkerdiş û tepiştiş, bi sebebê "propagandayê rêxistina terorî kena" bi sebebê parekerdişê ci yê medyaya dîjîtale 2 serrî 9 aşmî û 22 rojî cezaya zîndanî ci rê ameye birnayîş.
Roniştişê ke 2yîn Dadgeha Cezaya Girane ya Mêrdînî de ame vînayîş de avûkatê Zehra, Emrah Akbulut amade bî. Dimayê tespîtê nasnameyan, belgeyê ke roniştişî de ameyî girewtiş, ameyî wendiş. Avûkatî ard ziwan ke ê a bawerîye de yê ke dosyaye de çîyêk ke muwekîle mehkûmkerdê hewce bikero çin o û nê semed ra waştişê beraeta muwekîle kenê.
Dadgehe bi sebebê sûcdariya ke hemverê aye de çarçewaya ewnîyayîşê dozgerî de yeno kerdiş, qanûn de weke sûc nîno vînayîş, qerarê beraatî da.
