MERKEZÊ XEBERAN - Mersîn de Îbrahîm Zorluyî, cinîya ci ya ke yewbînan ra fek veradayîne Nadya Zorlu û Manîsa de zî Mîrza Ali Ebem cinîya xo Hatîce Ebeme qetil kerd. 

 

Mersîn de camêrdo bi nameyê Îbrahîm Zorlu, Nadya Zorluya ke fek veradayîşî de bî qetil kerd. Îbrahîm Zorlu ke Nadyaye bi çeke qetil kerd, bi eynî çeke xo zî kişt.

 

Welatijê ke vengê çeke eşnawitî, venga ekîba weşîye dayî. Ekîba ke ameye cayê hedîse dîyar kerdî ke Nadya û Îbrahîm Zorlu dinyaya xo bedelnayê.

 

Manîsa de qetlîyamê cinî 

 

Manîsa de Mîrza Ali Ebem, Hatice Ebeme ke ci reyde zewicnayebî bi hacetê birnaye qetil kerd. Bi îxbarê derûdorî polîsî û ekîba weşîye sewq bîyî. Ekîbe dîyar kerd, cinîya ke xeylê cayanê xo ra birîndar bîya, dinyaya xo bedelnaye. Cenazeya Hatîce Ebeme wedarnayî morgê Nêweşxaneyê Dewlete yê Turgutlu. 

 

Fail Mirza Alî Ebem ke cayê hedîse ra rema, ame qefilnayîş û destbend bi.