MERKEZÊ XEBERAN - Perwerdekarî hemverê kiştişê mamosteyêk Stenbolî de fek karî ra vera dayî û waştî vernîya şîdetî bêro girewtiş. 

 

Mudûrê Dibistana Amadeyî ya Anadoluyî ya Fînal Akademî ya Taybetî ya qezaya Eyupsûltanî ya Stenbolî de Îbrahîm Oktugan hetê wendekarê xo Y.K. ra bi çeke ame kiştiş. Qetilkerdişê Îbrahîm Oktugan reyde sendîkayê mamosteyan qerarê çalakî dayî. 

 

Endamê Sendîkayê Kedkarê Perwerde û Zanistî (Egîtîm Sen), Sendîkayê Xebatkarê Îstîmlakî yê Baskê Xizmetê Perwerdeyî, Musnayîşî û Zanistî (Turk Egîtîm Sen), Hurriyetçî Egîtîm Sen û Egîtîm Gucu Senî nêşî kar û qerarê nêşîyayîşê karî dayî. Sendîkayan çarçewaya qerarî de xeylêk bajaran de eşkerayîye dayî û rayîrşîyayîş organîze kerdî. 

 

Na çarçewa de Mêrdîn, Riha, Wan, Amed, Êlih, Şirnex, Stenbol, Îzmîr, Anqara, Artvîn, Edene, Mêrsîn, Antalya û Hatayî de çalakî ameyî organîzekerdiş. Çalakîyan de venga hukmatî ame kerdiş ke vernîya şîdetî wareyê perwerdeyî de yenê kerdiş, bêrê padayîş. Qanûnê hemverê şîdetî bêrê vetiş, rayîr verê çekdarbîyayîşê şexsî bêro padayîş û gamê somutî bêrê eştiş.