AMED - Avûkate Derya Yildirim ke îdarekara ÎHDyê Amedî ya, derheqê dosyaya Ceylan Onkola 12 serrî ameye qetilkerdiş û 12 şikdarê aye nêameyê vînayîş de qisey kerd û vat: "No welat de problemê polîtîkayê bêcezabîyayîşî esto. Wina aseno ke derheqê nê problemî de çîyêk nîno kerdiş. Hêzê asayîşî nê hêzê destê xo de bê perwa xebitnenê û netîce de zî tu ceza înan rê nîna dayîş."

 

Dewika Xanbazî ya taxa Şenlîkî ya girêdayê qezaya Licê ya Amedî de 28ê êlule 2009 de tuta 12 serrî Ceylan Onkol wexto ke pes çêrnayîne topê hewanî yê Qerekola Yayla ra ame, îsabetê aye kerd û dinyaya xo bedilnaye. Pêwa 12 serrî derbaz bi zî kes nêame cezakerdiş. Avûkata Komeleya Heqê Merdimanê (ÎHD) yê Amedî ra Derya Yildirim derheqê prosesî de qisey kerd.

 

Dosya ame wedaritiş

 

Derya vat, dosya sewîyeya cipersayîş ra zêdeyêr nêşîya û vat: "Ma senîn tewrê dosya bî, ma îtîrazê qerarê nimte kerd. Semedê cipersayîşêk bi tesîr bêro kerdiş, ma têkoşînêk pîl da. La nê ra zî netîce nêame girewtiş û 2010 de muracatê DMMEyî ame kerdiş. Demêk derg ’ê DMMEyî ra qerar nêame girewtiş û 2012 de reyna muracatê DMMEyî ame kerdiş û ma vat, semedê cipersayîşêk bêtesîr, binpaykerdişê heqî esto. Çi heyf, dozgerî 2014 de dosya wedarit."

 

'Yew berpirsîyarêk nêame vînayîş' 

 

Derya dewam de wina vat: "DMMEyî 2017 de her di dosyayê ke tarîxê înan cîyayê kerd yew û îfadeyê hukmatî esas girewt û qerar da pêro waştişê ma nêrê qebûlkerdiş. Nê ser o şî daîreyê pîlî, la netîce nêvurya. Çi heyf hem hetê neteweyî hem zî hetê mîyanneteweyî de hetê ceza ra dosya ame padayîş. Gelo bi dayîkêka ke tuta xo vînî kerd, hem açi biameyîne ciwîyayîş. Qetilkerdişê kênaya qîm nêkerd, berpirsîyarêk nêame vînayîş."

 

''2009 ra heta nika dewam keno' 

 

Derya bale ant serê hetê îdareyê dosya û wina vat: "Hetê îdareyî de zî semedê berpirsyarîyê dewlete bibi dewa ameye akerdiş, la dadgehe ewil qerarî da. Zabitnameyê dosya de amebi vatiş ke teqayîşê dîyar nîyo ayîdê kamî yo û amebi îdiakerdiş ke semedê bi asanî madeyê teqayîşî dayî piro teqyayo. La Dadgeha Berzî vat, her di îdiayê zabitnameyê cendermeyan girewtê de, paştdayîş nêdanê û no îdia sewîyeya somut nîyo û qerar da ke qisûrê xizmetê dewlete esto. Serê nê de dadgehe sewîyeya ewil vat, cayê teqîyaşî bi ca ameyo, cayê meydanê cuya dewijan o û seba na dewlete berpirsîyar o û qerar da ke  tazmînat bido. Hemverê qerarê tezmînatî de ame ferzkerdiş. ÎHDyî bi sebebê ke se ra 10 qisûrê Ceylane ameyo barkerdiş muracatê Dadgeha Bilinde da la dosya hema zî Dadgeha Berzî de ya û bi netîce nêbîya. 2009 de prosesêk dewaya îdareyî dewam kena ci."

 

'Tu waştişê ma bi ca nêameyî'

 

Derya vat, têkoşînê ke ÎHDyî dayo nêresayo netîceyê ke wazenê û dosya bi çinbîyayîşî dir rî bi rî ya. Destpêkê serebûtî ra dima xeylêk esasan de kifşê cayê serebûtî nêmaeyo kerdiş. Yanî komkerdişê delîlê cayê serebûtî nêameyo kerdiş. Semedê qerarê nimteyî dosya ame astengkerdiş û ma çîyêk rê zanayîş nêgirewt."

 

'Bahane hewldayîşê xelaskerdişî yo' 

 

Derya tewr peyîn wina vat: "Hemverê raporê cendermeyan ma raporêk alternatîf pêşkêş kerd la nêame ercnayîş. Raporê ma eksê  raporê cendermeyan, nîşan dabi ke berpirsiyarîyê dewlete esto. La sey ma vat no zî nêdîyaye ameyo vînayîş. Tutêka 12 serrî dinyaya xo bedilna la gumanbar nêameyî vînayîş. Pêwa wedaritişê heqê cuye, babeta vatişî bî, têkoşînê ke ma pawitoxê heqî da, çi heyf bi bêcezabîyayîş netîce bi."